General Santos City–Hingpit nang gipasakaan ug kaso sa Tinagacan PNP sa kalapasan sa sec.5 ug 11 sa Art.II sa RA 9165 ang duha ka driver nga silang Orlando Galuno,31 anyos, minyo, residente sa prk 10, Brgy.Katangawan ug si Ryan Pardillo,33 anyos, minyo nanimuyo usab sa Prk 4 Brgy.Ligaya ning dakbayan kansa una ng nasikop sa buy-bust operation niadtong milabay nga adlaw sa Prk 4, Katangawan ala 1:30 sa hapon.
Pamahayag ni Police Captain Robert Porres ang labaw sa Tinagacan Police Station nga ka-abag nila sa operasyon ang PDEA-12 ug nasayran niini nga dili lang matud pa anaa sa ilang listahan ang duha ka suspek kundili anaa usab kini sa listahan sa PDEA.
Saysay pa sa opisyal nga sa milabayāng bulan pa sa Disyembre pa nila ginasubaybayan ang mga suspek sa ilang illegal nga gimbuhaton ug nasayran usab nga duna kini koneksyon sa una nilang drug operation niadtong bulan sa oktubre sa Brgy. Katangwan kung asa nakakuha ang kapulisan ug droga nga nagkantidad ug 90,000 pesos.
Kahibaoan nga una ng nasikop ang mga suspek human napalitan ug usa ka sachet sa gikatahapang shabu sa nagpakaron- ingon nga poseur buyer nga nagkantidad ug 500 pesos ingon man nakuha usab sa posisyon sa mga suspek ang lain pang usa ka sachet sa gituohang shabu.
Sa kasamtangan nagtingkagol sa selda sa Tinagacan PNP ang mga dinakpan. (Reynald Timario)
