BACOLOD CITY – Nabiktima sang pickpocket ang isa ka senior citizen kahapon sang aga sa isa ka lugar diri sa ciudad sang Bacolod.
Ang biktima ginkilala kay Susanita Riofaco, 60 anyos, single kag pumuluyo sang Brgy. 5, Victorias City.
Suno sa biktima nga may mga las 11:55 kahapon sang aga, ini siya ang yara sa sulod sang isa ka bangko nga nahamtang sa SM Bacolod agud nga mag-process sang pila ka dokumento.
Apang daku na lamang ang iya kakibot sang iya nadiskubrehan nga wala na ang iya wallet color violet sa sulod sang iya bag.
Ini ang may unod nga importante nga mga ID, ATM kag cash nga kapin P15 mil pesos./dyHB BACOLOD
Facebook Comments
