Gitunol na sa dxCC-RMN Cagayan de Oro ang dies mil pesos (P10,000.00) nga hinabang gikan sa katawhan.
Kini alang sa pamilya sa namatayng piniriso nga si Christopher Camporedondo, 29 anyos nga taga Sityo Lomboy, Barangay Indahag ning syudad.
Ang dies mil pesos gidawat ni Neresa Candelanza, 23 anyos nga Migkiwan, Barangay Bayanga atol sa programang Kuskos Batikos ni RadyoMaN Zaldy Ocon nga mabati matag alas 11:30 sa buntag hangtud ala 1:30 sa hapon.
Mahinumduman nga una nang gibutyag ni Candelanza nga samtang si Redondo gipriso sa Cogon Police, misulti kini kaniya nga gikulata siya sa duha ka pulis sa wala pa siya gisulod sa iyang detention cell sa Cogon Police Station niadtong Mayo Tres ning tuiga.
Facebook Comments
