Serbisyo sa City Civil Registry, dalhon ngadto sa pipila ka barangay sa CdeO

Plano sa City Civil Registry nga dad-on ning bulana ang mga serbisyo sa ilang buhatan ngadto sa pipila ka mga barangay ning syudad.

Matud ni City Civil Registrar Evangeline Tapangan nga tipik sa mga libreng serbisyo nga itanyag sa Civil Registry mao ang birth, death ug marriage registration; correction of entries; issuance of certified true copies ug uban pa.

Sa Hulyo tres mapahimuslan sa katawhan ang maong serbisyo sa City Civil Registry sa Barangay Bugo, Hulyo 11 sa Barangay Taglimao, Pagalungan, San Simon, Hulyo 17 sa Barangay Tagpangi ug sa Hulyo 25 sa Barangay Iponan.