Apektado ang serbisyo sa RT-PCR machine sa Philippine Red Cross tungod sa pagka sunog sa Provincial Health Office o PHO sa Misamis Oriental.
Mao kini ang gibutyag ni Atty. Tony Soriano nga Chairman sa RED Cross dinhi sa Cagayan de Oro.
Matud ni Soriano nga wala man masunog ang ilang RT-PCR Machine sa Red Cross dinhi sa Cagayan de Oro apan dili gihapon kini magamit kay natunaw ang linya sa kuryente niini tungod sa kainit sa kalayo sa pagka sunog sa opisina ni Misamis Oriental Provincial Health Officer Dr. Jerry Calingasan mga alas 6:30 kagabi-e.
Gipasabot ni Soriano nga ila pang gi-konsukta sa ilang mga RT-PCR technician sa Red cross sa Manila aron ang ilang RT-PCR machine ning syudad magamit sa sayo nga panahon ug makatabang sa gobyerno sa kampanya batok sa Covid-19.
