Gihimo karong buntag ang pagpinirmahay sa memorandum of partnership tali sa Servants of all Global Inc. o SOAGI pinaagi sa ilang presidente nga si Sir Lito Erezo ug ABAMIN pinaagi ni Cong. Maxie Rodriguez ug sa iyang mga kauban.
Tumong niining mapalambo ang matag komunidad pinaagi sa paghatag serbisyo partikular na ang panginabuhian ug panglawas sa katawhan.
Giklaro ni Sir Lito Erezo nga wala nagpasabot nga kauban na sila sa ABAMIN ila na kining ipangampanya apan igo lang silang mohatag sa ilang suporta.
Ang SOAGI usa ka non profit organization diin ang ilang opisina nahimutang sa JV Serena St, barangay Carmen.
Samtang, gibutyag ni Cong. Maxie Rodriguez nga highlight nalang ang gihimong pagpinirmaha tungod kay tuig 2017 pa lang sila nagsugod pagsuporta sa SOAGI.
Dili matud pa matawag nga pamolitika ang pakig-partner nila sa SOAGI tungod kay walay pili ang ABAMIN sa ilang gatabangan.
