Serye sang distribusyon sang ayuda sa mga benepisyaryo ginpatigayon ni DOLE Secretary Bello sa SOCKSARGEN.

15

Serye sang distribusyon sang ayuda ang ginpatigayon ni Labor Secretary Silvestre “Bebot” Bello III sa pagpadulong nya dire sa rehiyon sang nagligad nga semana.
Sa banwa sang Tantangan nagalab-ot sa P1.3 million DOLE Integrated Livelihood Program check ang ginrelease sa LGU Tantangan, P663K TUPAD assistance ang ginrelease sa141 ka mga benepisyaryo sa LGU Koronadal kag cash assistance sa mga OFWs sa Brgy. Morales.
Nagalab-ot naman sa P1,068,414.00 DOLE Integrated Livelihood and Emergency Employment Program (DILEEP) check ang ginrelease para sa 81 ka mga benepisyaryo sa LGU-Surallah kag P1,006,656.00 TUPAD cash assistance para sa 214 ka mga benepisyaryo sa LGU-Banga sa South Cotabato.
Ginpangunahan man ni Sec. Bello kag OWWA Administrator Hans Leo Cacdac ang pagrelease sang cash aid sa mga OFWs sa probinsya.
Samtang sa General Santos City nagkalain-lain man nga ayuda kapareho sang TUPAD payout nga nagakantidad sang P1,016,050.00 para sa 199 disadvantaged workers sa nasambit nga syudad, gin-award ang Certificate of Availment on livelihood group project nga nagakantidad sang P910,337.00 sa Barangay Conel Tricycle Operators-Drivers Association, turn-over sang P181,900.00 livelihood starter kits sa 9 ka mga former rebels halin sa Sarangani.
Upod si OWWA Administrator Hans Leo Cacdac gin-award man ang Tulong PUSO program check nga nagakantidad sang P400,000.00 sa New Hope Poblacion Alabel OFWs Association, Tabang OFW educational grant kag Balik Pinas Balik Hanapbuhay cash assistance nga nagakantidad sang P5,000.00-20,000.00 sa 10 ka mga OFWs beneficiaries.
Ginsiguro man ni Secretary Bello nga madamo pa nga ayuda sa mga vulnerable workers sa syudad ang lauman subong nga pandemya partikular na dire ang promisa nga fishing boats kag negosyo karts.
Sa bahin naman sang North Cotabato, naghatag man sang ayuda ang DOLE sa mga informal kag youth sector.
Ang nasambit nga ayuda ang ginalakipan sang P5, 420,051.00 DOLE Integrated Livelihood Program (DILP) check sa Provincial Government sang Cotabato para sa 280 ka mga benepisyaryo, 1 ka unit sang tractor and accessories nga nagakantidad sang P993,000.00 para sa Malmar Agricultural Farmers’ Association sa banwa sang Pikit, TUPAD payout sa 150 ka mga benepisyaryo sang LGU-M’lang, payout sang SPES salaries halin sa LGU-Makilala youth beneficiaries.
Ginturn-over man ang Tulong PUSO check nga nagakantidad sang P300,000.00 sa Nueva Vida OFW Association sa banwa sang M’lang, P350,000.00 check assistance sa Nuangan United OFW Association sa Kidapawan City, kag Balik Pinas Balik Hanapbuhay cash assistance sa mga OFW beneficiaries sa Cotabato Province.
Ginpromisa man ni Sec. Bello upod ang Bureau of Workers with Special Concerns Director Ma. Karina Perida-Trayvilla nga padayon nga magbulig sa mga vulnerable workers sa rehiyon paagi sa mandato sang ahensya nga protektahan ang katungod kag welfare sang Filipino workers ilabi na subong nga panahon sang pandemya.

Facebook Comments