BACOLOD CITY – Ginabulubanta nagdangat sa P10 mil pesos ang katidad sang suspected shabu nga narecover sa suspek sa ginpatigayon nga buy bust operation kagab-i sa Brgy. Handumanan, Bacolod City.
Nakilala ang suspek nga si Angelo Montaño, legal ang edad pumuluyo sang Purok Saturn, Brgy. Handumanan, ciudad sang Bacolod.
Sa record sang Police Station 10, may mga las 11:55 kagab-i gindakup si Angelo kag nakuha s aiya possession ang 4 ka magagmay nga heat-sealed plastic sachet sang suspected shabu, marked money kag isa ka pouch.
Ang raid ginpatigayon sang BCPO Police Station 10 upod sang City Drug Enforcement Unit.
Sa karon detained na sa custodial facility sang Station 10 ang suspek kag ginahanda ang kaso nga violation sang Republic Act 9165 nga igapasaka batuk sa iya.dyHB BACOLOD
