Sultan Kudarat—Patay ang ig-agaw sa mayor sa Lambayong, Sultan kudarat human kining gipusil sa wala pa mailhing suspetsado niadtong nakalabayng adlaw.
Biktima giilang si Romeo Abalos Jr., legal age, residenti sa Barangay Poblacion, Lambayong, Sultan Kudarat, ig-agaw ni Lambayong, Mayor Ramon Abalos.
Sa inisyal nga imbistigasyon sa Lambayong PNP nasuta nga nagmeryenda pa ang suspek ngadto sa bakery nga gipanag-iyahan sa biktima.
Human niini dihang nakit-an sa suspek ang biktima, iyang gipusil pila ka higayon igo sa ulo ug sa iyang kilid. Paspas nga misibat ang suspek human sa insidenti, samtang ang biktima gidala sa ospital apan gideklara kining dead on arrival.
Sa karon ginasuta pa sa kapulisan ang motibo sa pagpamusil ug kinsay nagpaluyo niini.
