Gikabutyag nga mga ala una ang takna kagahapon sa hapon, nakadawat sa telephone call ang Agora Police gikan ni PMSG Jessie Aurigue, ang Duty Senior Police Officer of the Day sa Camp Alagar, nagpahibalo kini sa gi-ingong shooting inceident nga nahitabo sulod sa nasangpit nga kampo.
Tungod ni-ini dali kini gi-respondihan sa mga personahe sa Agora Police nga gipangulohan ni PLt. Macrio Linog, Jr. aron nga ma-verify ang gi-ingong report.
Basi sa inisyal nga imbestigasyon nga gihimo, nailhan ang biktima nga 29 anyos nga si Patrolman Andy Salvo Requilme, ulitawo nga residenti sa Brgy. Indahag ning syudad. Si Requilme, na-assigned sa 2nd PMFC sa Misamis Oriental Provincial Police Office ug naka detailed kini sa R-4 Police Regional Office 10.
Nakit-an kining nagkadugo na sulod sa barracks nga naglingkod sa kahoy nga katre duol sa Motorpol. Mirespondi usab sa nahitaboan sa krimen si PCapt. Calixto Briones, Jr., ang Medical Officer sa RMDU-10 ug maoy mideklara sa biktima nga wala nay kinabuhi.
Nakaangkon ang biktima sa usa ka gunshot wound sa iyang agtang nga bahin sa iyang ulo nga maoy gituhoang hinungdan sa iyang hinanaling kamatayon.
Samtang human sa pipila ka minutos mirespondi usab ang mga operatiba sa Scene Of the Crime kon SOCO region 10 nga maoy gipangulohan ni PLt. James Alvior, Jr. ug nagpahigayon sa ilang crime scene investigation.
Narecover sa crime scene ang 1. Usa ka unit sa .9mm pistol Konik PNP issued firearm 2. Duha ka buok magazine 3. Duha ka buok nga fired cartridges sa .9mm.
Matud pa sa testigo nga si PSSg Celso Labajan, Jr., naka-assigned sa CMFC ug naka detailed isip driver sa DRDO nga nakadungog kini sa duha ka mga buto sa pusil duol sa Motorpol area ug dali kining mi-report ngadto sa Duty Senior Police Officer of the Day nga si PMSG Jessie Aurigue ug kauban sa duty sa RMFB, gilayon silang miadto sa area kung asa nadungog ang gunfire. Ilang gisusi ang vicinity sa maong area ug dihang ila nang gi-check ang Personnel barracks, didto nakita nga nagkadugo na ang biktima sulod sa maong barracks.
Gikabutyag nga sa walay pagduha-duha, gilayon kining mipahibalo sa duol nga buhatan lakip na ang pagtawag sa Agora Police aron nga mo-asister sa maong insidenti.
Ang investigator sa maong insidenti nga si PSMS Jhonel Monterola karon nag-request sa autopsy ngadto sa patay’ng lawas sa biktima samtang ngadto sa mga kaubanang police on duty sa maong adlaw ipailawom sa Paraffin examination. Mi-request usab kini nga ipailawom sa ballistic examination ang ilang mga issued firearms.
Ang patay’ng lawas gidala na ngadto sa Bollozos Funeral Homes samtang padayon pa ang imbestigasyon nga gihimo karon sa kapulisan unsay motibo sa maong krimen.
Kasama mo sa PS 3 Agora, RadyoMaN Andy Coco, DXCC Tatak RMN!
