Ipatuman sa National Telecommunication Commission kon NTC ang signal jamming sa Cagayan de Oro atol sa Civic Military Parade sa Agusto 27 ug Procession sa kapistahan ni Senior San Agustin sa Agusto 28.
Matud ni NTC Regional Director Teodoro Buenavista nga aprobado na ni National Telecommunication Commissioner Gamaliel Cordoba ang sulat ni Mayor Oscar Moreno nga i-shutdown ang signal sa Cellphone sa maong mga adlaw.
Tungod niini, mawala ang signal sa Cellphone sa Agusto 27 sa dili pa sugdan ang Civic military parade sa alas-7:00 sa buntag ingon man sa Procession sa imahe ni Senior San Agustin sa Agusto 28 sa alas-4:00 sa kadlawon.
Una nang gipatuman ang signal jamming kagahapong adlawa atol sa Carnival Street Dancing Competition.
Facebook Comments
