BACOLOD CITY – Nakaluwas sa maitom nga buko sang traysikad driver ang isa ka 12 anyos nga bata nga babayi nga tuyo kon tani siya luguson.
Ang suspek ang ginkilala sa kay Bernie Pedro, 38 anyos, residente of Blk. 6, Sharina Heights Subd.,Brgy. Taculing , Bacolod City.
Natabu ang insidente pasado alas-7:45 kahapon sang aga, sang ang suspek ang naga-drive sang iya traysikad kag iya ginpasakay ang 12 anyus nga bata para i-dul-ong kuntani sa ila nga eskwelahan malapit sa lugar.
Apang imbes nga eskwelahan, ginliko ni Bernie ang biktima sa maligwin nga lugar sa Sharina Heights, Taculing kag didto na nga iya gin-hakus kag ginkuga ang bata.
De-buenas naman nga naka-singgit ang biktima kag nakapangayo sang bulig.
Nadakpan naman ang suspek kag sa karon detained sa Police Station 6.
Sa interview sang dyHb kay Bernie, wala sang tuyo nga luguson ang bata sa amu nga tion.
Luyag nya lang nga himuon nga witness ang estudyante sa iya tuyo nga pagsuicide, bangod wala ini sang ipadala nga P1,000 sa iya magulang nga nagapangayo sang bulig sa iya para ibakal gatas sang iya mga hinablos.
Si Bernie, pumoloyo sang Santol, Isabela ang bulag sa asawa kag may duha ka tuig nga bata nga ara subong sa Bantayan, Kabankalan.
Mga duha naman sya katuig nga nagabyahe sikad sa Taculing, sa diin naga-istar ini sa isa ka balay nga iya kilala kag nagabulig bulig man sya sa amu nga pamilya bakal bugas.
Sang ginpamangkot, kon paano sya magsuicide sa diin himuon nya nga witness ang estudyante, iya ginsiling nga lampusan nya sang bato ang iya nga ulo tubtob nga ini sya ang mapatay samtang gina-agubay nya ang bata bilang witness.
Sa lugar sa diin gindala niya ang estudyante kag nakapangayo sa bulig, isa ka lugar nga madabong ang hilamon kag gagmay nga mga kahoy, lugar nga malaka naman ginaagyan sang tawo.
