Gipahigayon karong adlawa sa Police Regional Office X, ang “Sikad Para sa Marawi”.
Kapin kon kulang 600 ka mga bikers ang misalmot sa maong kalihukan, gikan sa nagkalain-lain nga mga organisasyon ug mga bikers sa rehiyon.
Nasayran nga nagsugod kini kaganinang alas 6 ang takna sa buntag, gikan sa Pelaez Sports Center sa dalang Velez, agi sa Julio Pacana St., Puntod-Kauswagan Bridge, Diversion Road sa Opol Misamis Orietnal, Quinasanghan Brgy. Iponan, Vamenta Road sa Brgy. Carmen, Ysalina Bridge, ug pabalik sa Sports Center.
Aduna kini 200 pesos nga registration fee, kung asa ang mga misalmot ang nakadawat og jersey, ug mamahimo usab nga makadaog sa ilang pa raffle.
Ang kita sa maong “Sikad Para sa Marawi” ang ilang i-donar alang sa rehabilitasyon sa Marawi City, gumikan sa nagpadayon kagubot.
By: Joanna Ricote
