Wala nagpabalo sa pamilya ang Bureau of Jail Management and Penology (BJMP) Silay nga pagpangkastigo ang gintunaan sang kamatayon sang priso nga si Jeremy “Jerome” Amando nagligad nga Agosto 12, 2020.Ini ang nagaguwa sa interview sang DYHB sa iloy sang biktima nga si Hermenia Amando sa diin iya ginpahayag nga cardiac arrest ang ginpalab-ot sa iya sang BJMP Silay nga ginkamatay sang iya bata.
Ginpahayag ni Hermenia nga mga las-3:00 sang hapon sang Agosto 12 sang ginkadtuan siya sa ila balay sang duha ka personnel sang BJMP kag ginpabalo nga napaty na si Jeremy.
Sang ini ang nagkadto sa BJMP Silay, ginhambalan siya sang nurse nga napatay si Jeremy sa cardiac arrest bangud ini ang ginahapo kag isa ka semana na nila nga ginamonitor.Pareho man ang ginhambal sa iya sang City Health Office sang Silay sang ini ang nagpadulong sa lugar apang suno kay Hermenia, wala sang hapo ang iya bata.
Samtang matapos nga ini ang nagkadto sa BJMP ginhatagan siya sang tunga sa sako nga bugas ni jail warden Senior Inspector Antonio Cataluña kag gintayagan sila sang P15,000 kag lakip na ang pagpalubong sa bangkay sang biktima.
Samtang nagasinggitan sang hustisya ang pamilya Amando sa pagkamatay ni Jeremy bangud sa tuman nga pagpangastigo nga naangkun sini nga halos napuno ang iya lawas sang lagob, nadunot ang iya tuhod kag madalom nga pilas sa iya kamot nga agi sang posas.
Ginpahayag naman ni Lilibeth Fajalongo, pakaisa ni Jeremy nga ila nakit-an ang lagob sa lawas sang biktima kag nangayo na sila sang bulig sa National Bureau of Investigation (NBI) agud mapanabat ang may salabton sa pagkamatay sang iya pakaisa.
Una na nga ginpalayag ni Cataluña nga napatay si Jeremy matapos ginpulihan sang mga priso bangud sang indi pag-intsindihanay sang ini ang ginsaway nga nagagahod samtang nagapatigayon sang film showing.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
