Dili pa masiguro ni Antonio Resma sa Regulatory and Complaint Board kon RCB kung maapil sa road clearing ang simbahan sa Santo Niño, Barangay Lapasan ning syudad.
Kini human nga gipangutana kini sa mga residente, pinaagi sa RMN DXCC.
Matud ni Resma nga sa karon wala pa nasuroyan ang area tungod kay adunay team nga magsuroy sa area ayha sila mohimo og operation.
Kini nga team ang matan-aw kung unsa kalapad ang dalan, asa taman ang maigo, ayha i-notify.
Dugang pa ni Resma nga ang klaro lamang niini, tan-awun lang kung unsa ang daan nga sidewalk ug kung sa tan-aw nga medyo nikamang sa dalan possible gayud kini nga maigo.
Samtang, malampuson ang nagpadayon nga road clearing operation ning syudad sa Barangay Iponan kagahapong adlawa.
Matud ni Antonio Resma sa Regulatory and Complaint Board kon RCB nga dakodako ang ilang na clear nga area partikular na ang mga waiting shed nga gigamit nga terminal sa mga driver.
Dugang pa ni Resma nga dako ang iyang pasalamat sa mga driver nga mi-cooperate sa ilang gihimo, pinaagi sa pagbulontaryo ug pagkuha mismo sa ilang mga gamit.
Gipasalamatan usab ni Resma ang pipila ka mga panimalay nga mihinay-hinay sa pagpanday sa ilang balay atol sa ilang operasyon.
