Pagadian City, Zamboanga del Sur— Gibana-bana nga muabot sa upat ka libo ka indibidwal ang muapil sa gikatakdang simulation exercise batok sa linog ug tsunami drill sa syudad sa pagadian ugmang adlawa.
Sumala ni Angelito Casinillo, Chief Operations Division sa OCD IX, ang naasoy nga Drill kabahin sa pagpangandam sa kusog nga linog ug tsunami nga una nang miigo sa syudad sa pagadian 41 ka tuig na ang nakalabay nga mikutlo sa kinabuhi kapin walo ka libo katawo.
Sa pagbansay-bansay, lain-lain nga emergency scenario ang ilusad nga gibase sa pagtuon sa City Disaster Risk Reduction Management Office arun mapangandaman ang kalamidad sama sa nahitabo niadtong 1976.
Gi-abisuhan usab ni Haron Damada sa CDRRMO ang publiko nga seryosohon ang earthquake drill og dili kini panahon sa pag-selfie.
(Kenneth Alvin Bustamante, Melchor Coronel)
Tags; Mel Coronel, RMN-DXPR Pagadian 603, Kenneth Alvin Bustamante
