Bacolod City – Indi pa matumod sang Department of Environment and Natural Resources kon bala sin-o ang naghaboy sang pila ka saku sang patay nga Pangolins ukon Ant Eaters sa Bacolod Reclamation Area kahapon nga nagtuga naman sa pagpanimaho sa palibot.
Matapos nakabaton sang report, gilayon nga nagpadulong sa area ang mga katapo sang DENR kag didto nasapwan ang patay nga mga Ant Eaters nga ginhaboy gid lamang sa amo nga area.
Una nga nasapwan sang bata nga nagapang-scrap ang amo nga sapat kag ini ang iya pa gindala sa ila balay sa pagdumdom nga ini ang baboy.
Sa karon gina usisa na sang DNER kon bala ini ang may angut sa natabo man sadto nga pagka-intercept sang mga Pangolins sa Manila Pier nga naghalin diri sa Bacolod.
Ang Pangolin isa ka sahi sang endangered mammal nga puno sang matig-a nga himbis kag illegal nga ginakuha kag gina proseso agud himuon bulong./dyHB BACOLOD
