Dako ang posibilidad nga mosaka ang singil sa tubig sa Cagayan de Oro kon molusot sa City Council ang gitun-an nga ordinansa nga gitawag ug “Ecological Services, and Protection Fee Ordinance”.
Ang Author sa maong Proposed Ordinance mao si Councilor Ian Mark Nacaya.
Matud ni Nacaya nga kon molusot ang iyang gitun-an nga ordinansa, mobayad sa dugang piso o piso ug 25 sentabos ang matag water consumers ning syudad matag bulan.
Samtang dugang 50 sentabos matag cubic meter ang dugang bayad sa mga industriya ug commercial establishments ning syudad
Matud ni Nacaya nga ang salapi nga makolekta sa Cagayan de Oro City Water District gikan sa Ecological Services and Protection Ordinance, maoy gastohon sa City hall alang sa rehabilitation, protection, reforestation ug maintenance works sa tanang water shed area sa Cagayan de Oro.
