Ang mga samaron usa ka menor de edad nga lalaki, grade 11 student ug residente sa Barangay Guinuyuran, Valencia City kinsa nagmanehu sa usa ka Kawasaki Bajaj nga single motor ug duha ka mga babaeng angkas niini nga pulos residente sa Lumbo, Valencia City.
Sumala sa report, nga gadagan gikan sa barangay road ang usa ka Toyota Vios nga sakyanan nga gimanehu sa usa ka lalaking Senior Citizen nga taga Barangay Casisang ug pasulod sa Sayre Highway sa dihang pag-abot sa tunga sa dalan, kalit lang mibangga niini ang maong single motor nga gadagan padulong sa south nga direksyon.
Gumikan sa panagbangga, samaron ang mga sakay sa single motor nga gisuwayan og dala sa balay-tambalanan apan mibalibad na kini gumikan minor injuries lang ang naangkon sa kalawasan.
Giturn-over sa Malaybalay City Traffic Management Center (TMC) ang mga nalambigit sa disgrasya ug nagka-areglo ra usab ang duha ka kampo.
