Ang biktima gikatahong 25 anyos, ug residente sa nahisgutang lugar.
Sumala sa report, panaog na matud pa sa iyang gimanehung motorsiklo ang biktima padulong sa usa ka haya, sa dihang kalit kining giduolan sa dili muminus tulo ka mga indibidwal ug gitabangan og sumbag ang biktima.
Misuway pa og balos ang biktima apan usa sa mga suspek nga kaila sa biktima ang mibunot og kutsilyo ug diha-diha kining gidunggab.
Nakahiagom og samad-dinunggaban sa wala ug tuong ilok ang biktima nga dali usab gidala sa balay-tambalanan.
Luwas ra hinoon ang kahimtang niini samtang misibat sa wala matinong direksyon ang mga suspek lakip na ang usa nga maoy midunggab sa biktima nga kaila ra niini ug anaa sa hingkod ang panuigon, ug residente sa Purok-6, Sitio Bongbongon, Sumpong, Malaybalay City.
Padayon ang ginahimong hot pursuit operation sa mga kapulisan paglakaw sa mga nakatakas nga suspek samtang ginaandam ang kasong Frustrated Homicide nga ipasaka batok kanila.
