Niadto pang Mayo 31 gideklarar ni 58th Infantry Battalion Commander, Lt. Col. Roy Anthony Derilo nga cleared na ang Sitio Kamansi, Barangay Banglay, Lagonglong, Misamis Oriental gikan sa mga kasamok.
Kini ang gibutyag ni Lt. Tere Ingente ang Spokesperson sa 4th Infantry Diamond Division.
Matud ni Ingente nga ang deklarasyon ni Col. Derilo human sa encounter niadtong Mayo 27 nga niresulta sa pagkamatay sa duha ka mga rebeldeng N-P-A.
Gibutyag ni Ingente nga ang maong deklarasyon iyang gipahibalo sa mga evacuees sa ilang dialogue niadtong June 2, adlaw’ng Sabado didto sa Barangay Lumbo, sa lungsod sa Lagonglong.
Apan matud sa tigpamaba sa 4th ID nga natingala si Col. Derilo kay sa pagka Domingo June 3, milarga sila Sariza Acosta kuyog sa kapin 160 ka mga tawo gikan sa Barangay Lumbo padulong sa Cagayan de Oro ug nagtulda sa Public Plaza sa kapitolyo isip mga bakwiter.
