Nag-angkon it sari-sari nga reaksyon ro bag-o nga traffic scheme sa banwa it Kalibo matapos do ging himo nga dry-run ko adlaw it Lunes nga magatapos makaron nga Biyernes.
Sa session it Sangguniang Bayan it Kalibo kahapon naging bisita kara si SPO2 James Bantigue, Chief Traffic Officer ag si Mary Gay Joel, Traffic Operations Officer II para mataw-an it status/feedback ro konseho sa Traffic Dry Run nga gina implement sa daya nga banwa.
Ging dayaw ni SB Mark Kimpo do ging implement bangod nga nag-hawan suno kara ro banwa it Kalibo ag naging mataw-hay ro mga karsadahan kapareho man sa naging reaksyon ni SB Buen Joy French.
Suno man kay Joel may mga driver it mga saeakyan nga uwa gid naga-cooperate bangod nga naga parking gihapon daya sa mga lugar kung siin may nakabutang nga mga No Parking sign.
Dapat suno kara nga makabutang sanda it budget para sa pagbakae it clamp nga magaguyod sa mga saeakyan ag kinahang-ean nga may una nga impounding area para sa mga saeakyan nga madakpan nga naga-eapas sa laye.
Daya nga implemenstasyon hay step by step paeang suno kanda kung siin abo pa sanda nga dapat nga bag-uhon sa Kalibo ag maayos kapareho it mga establisyemento nga uwa it parking space mga vendors nga uwa sa lugar mga negosyo nga ga eapaw sa karsda.
Samtang ging hambae man ni Vice mayor Madeline Regalado nga dapat daya hay mapadayon para man nga maging ayos ro banwa pag-abot sa karsada.
