Human nga naharang ang usa ka dropside truck sa mga pulis sa Rizal sa dalang nasyunal nga adunay kargang siyam (9) ka mga baka nga gikan pa sa Lungsod sa Sindangan niadtong nakalabayng adlaw.
Kagahapon mga alas 8:00AM nabuhian na, ug nabalik na sa tag-iya ang maong mga hayop, human nga nakapakita sa kompletong rekisitos nga gipangayo sa kapulisan sa maong lungsod, ang maong tag-iya mao si Ann Glyza Granada y Tabigue uban ni Roseller Bermudo sa Provincial Veterinary office.
Kahinumduman nga sa wala pa naharang buot kining dad-on sa municipal agriculture office sa lungsod sa Calamba. Mis. Occ.
Apan giharang kini human nga wala nakapakita ang drayber nga si Danilo Becoy Marto Jr. sa mga papeles sa pagbyahe.
Hinuon sa pagkakaron, anaa na sa kustodiya sa tag-iya ang mga hayop ug gidala na kini sa lungsod sa Calamba.- MARK A. BACROYA
