Gimando ni Gov. Bambi Emano sa mga empleyado sa kapitolyo ang skeletal scheduling diin gitunga sa duha ka team ang matag opisina nga mo-duty sa MWF ug TTH.
Tumong niini nga malimitahan ang gidaghanon sa tawo nga mogawas sa ilang balay aron lang mo-duty.
Gipasabot sa gobernador nga dili angay mabalaka ang si kinsa mang dunay tuyo sa kapitolyo tungod kay naay mga nahibiling empleyado nga andam mohatag serbisyo.
Gisiguro usab sa opisyal nga well-sanitized ang tibook buhatan lakip na ang mga empleyado ug misunod sila sa mga giya nga gihatag sa Departement of Health.
Dugang pahayag sa opisyal nga kung dili kaayo importante ang tuyo, dili nalang mogawas sa balay ug mamahimo nalang kining itawag sa kapitolyo.
Facebook Comments
