Plano sa Jaime V Ongpin Foundation, Inc kon JVOFI nga modonar og sleeping materials alang sa CDO Boxing Team.
Alayon niini, giaprobahan sa konseho sa syudad ang ordinansa nga naghatag og katungod ni Mayor Oscar Moreno pagpirma sa Deed of Donation ug Acceptance tali sa kagamhanan sa dakbayan ug JVOFI.
Gibutyag ni Konsehal John Michael Seno, Chairman sa komite sa Sports and Youth Development nga ang Foundation nagpatuman sa programang “Kalusugan at Kalikasan para sa Kinabukasan 2018 (“K3 2018).
Usa ka bahin niini mao ang paghatag sa mga gamit ug ekipo ngadto sa mga atleta ug napiling benepisaryo mao ang CDO Boxing Team human matod pa kulang kini sa mga ekipo ug saktong pasilidad.
Gilauman nga pinaagi sa maong donasyon makomportable ug mahatagan sa kapasegurohan sa maayong panglawas ang mga atleta.
