Nakitaan nga nagasobra sa chemical residue limit ang pipila ka mga ginabaligya nga utanon dire sa probinsya sang South Cotabato base sa ginapatigayon nga pesticide residue analysis sang Provincial Agriculture Office.
Ginkumpirmar ni Provincial Agriculturist Justina Navarete nga partikular nga mga utanon nga nagasobra sa chemical residue ang ampalaya kag subong man kamatis.
May-angot sini, ginaadvice ni Maam Navarete sa mga pumuluyo nga bag-o pa man lutuon ang nasambit nga mga untanon ang huluman gid sang tubig nga may asin agud nga makuha ang mga nabilin nga residue.
Sa subong suno sa Provincial Agriculturist nagapadayon ang ila ginapatigayon nga pesticide residue analysis nga may katuyuan nga makit-an kon nagasobra na sa residue limit ang mga ginabaligya nga mga utanon dire sa probinsya.
