Sobra usa ka milyon nga kantidad sa smuggled nga sigarilyo naharang sa lungsod sa Kumalarang

49
Kumalarang, Zamboanga del Sur – Nasanta sa otoridad ang laraw sa duha ka suspetsado nga ipakatag unta ang daghanang smuggled nga sigarilyo dinhi sa probinsya kini dihang naharang sa Quarantine Control Point sa Barangay Boyugan West, Kumalarang, Zamboanga del Sur ang sakynan nga gikargahan niini alas 7:00 kagabii.
Giila sa hepe sa Kumalarang MPS nga si Plt. Reuben G Balido, ang mga nadakpan nga sila si Albert Bulalon Sigasig, 30-anyos, driver ug residente sa Barangay Upper Calarian, Zamboanga City ug Anthony Dela Cruz Suson, 37-anyos, pahenante nga resident sa Barangay Curuan syudad gihapon sa Zamboanga.
Atol sa Joint Random Checkpoint Operation sa mga otoridad nasita ang pag-agi sa Foton Truck nga nagtangag sa plaka numero AOA 1045 nga gikargahan sa smuggle nga sigarilyo nga gibana-bana nga mokantidad sa 1.2 milyones ka pesos.
Ang nakumpiska nga kontrabando giturn-over na ngadto sa Bureau of Costum alang sa tukmang pag-usisa samtang ang mga dinakpan gipaslak na sa Detention Facility sa Kumalarang MPS.

Facebook Comments