Solar system, charging station gimontar sa TESDA sa mga gibagyong lugar

49
Solar lighting system, charging station gimontar sa TESDA sa gibagyong lugar
Tungod sa pagkawala sa kuryente tungod sa Bagyong Odette sa Caraga Region, ang Technical Education and Skills Development Authority (TESDA) nagbutang ug solar lighting systems ug charging stations sa rehiyon.
Mokabat sa 59 ka solar lighting systems ang na-install sa Caraga Region, diin lima niini ang na-install sa Surigao City ug Surigao Del Norte; 27 sa Siargao Islands; ug 27 sa Dinagat Islands.
Kini nga mga solar lighting system gi-install sa TESDA Caraga pinaagi sa tabang sa ilang buddy regions, ang National Capital Region (NCR) ug Regions III, XI, ug XII. Ang “buddy system” kay giimplementar sa TESDA Central Office aron masiguro ang hapsay ug mas paspas nga paghatag ug tabang ug pagbansay sa kahanas sa mga lugar nga naigo ni “Odette”.
Usab, ang TESDA Caraga, uban sa augmentation team gikan sa Rehiyon III, nagpahigayon ug community-based training sa Solar Concept and Installation sa Consuelo, Dapa, Surigao del Norte niadtong Enero 12 diin 18 ka pamilya ang mitambong sa maong pagbansay-bansay.
Sa laing bahin, nagpadayon pa ang ubang interbensyon dili lang sa Caraga Region apil na sa ubang rehiyon nga gikusokuso sa Bagyong Odette. Ang TESDA nigahin og PhP195 milyones nga kantidad sa scholarship alang sa mga residente sa apektadong rehiyon sa tibuok nasod.
#RMNDXBCBUTUAN693 #TatakRMN
Facebook Comments