Un solterito el muerto mientras ya guinda na hospital el su compaƱero despues estos ya queda embuelto na accidente na calsada del Victoria del Domingo por la noche.
El muerto amo si Alrey Pantaleon y Rebollos, 17, mientras el irido y grabe amo si Rizal Rex Dagalea, 18, ambos maga de Sitio Corote, Manicahan.
Asegun na report banda alas 6:40 del noche cuando si Pantaleon ta maneha Honda Wave motorsiclo mientras ancas si Dagalea pasando el highway del Victoria cuando ya man bangga estos con el un Toyota Corolla Auto ta maneha si Conrado Santos, Jr., 58, de Don Alfaro, Tetuan quien aquel tiempo ta biaja tambien na mencionao calsada.
Porcausa bien corre el motorsiclo, si Pantaleon ya muri dayun y con Dagalea ya lleva na hospital.
Si Santos ya rendi na pulis despues del incidente.
