Pasado sa Citizen Watch for Good Governance kon CWGG region 10 ang nahimong unod sa State of the Nation Address kon SONA ni Pres Rodrigo Duterte kagahapon.
Sa interview sa RMN Malaybalay ngadto kang Atty. Antonio Soriano ang convenor sa CWGG region 10 gibutyag niini nga pasado sa iyaha ang SONA sa pangulo.
Apan nakulangan lang siya sa impact sa pahayag sa pangulo, gipananglitan niini ang walay klarong direksyon sa kampanya batok sa kurapsiyon apil na ang kampanya kontra droga, kawad-on sa konkretong plano kalabot rehabilitation sa Marawi City ug ang problema sa trapiko sa EDSA.
Hinoon gidayeg usab ni Atty. Soriano ang nahimo sa administrasyon sa paglimpiyo sa Boracay ug Manila Bay.
Nagtoo usab siya nga naay gusto nga isulti ang pangulo apan wala niya kini nabungat.
Apan sa kinatibuk-an, daghan usab daw ang naka-uyon sa pagdumala ni Pangulong Duterte ug pamatuod niini ang taas nga ratings nga nakuha nga muabot sa 85%.
