Magpadayon sa mosunod nga semana ang vaccination sa South Cotabato, human nga nakadawat ug 5,700 doses sa Sinovac’s CoronaVac vaccine gikan sa Department of Health – Center for Health Development SOCCSKSARGEN Region kagahapong adlawa.
Kini kabahin sa 25,500 doses sa vaccines nga gideliver sa DOH 12 sa mga provincial ug city health offices kagahapong adlawa diin nakadawat ang Cotabato City sa 5,000; General Santos City, 5,000; South Cotabato, 5,700; Cotabato Province, 4,900; Sarangani, 850; ug Sultan Kudarat, 4,050.
Sa 5,700 vials sa Sinovac’s Corona vaccine nga gi-alokar sa South Cotabato; 2,500 niini ang alang sa Koronadal City kansa nakatala ug taas nga kaso sa COVID-19.
Samtang ang lima ka mga local government units sama sa Polomolok ang nakadawat ug 500; Sto. Niño, 400; Norala, 400; Lake Sebu, 400 ug Tampakan, 500.
Ang lungsod usab sa Tupi, Tantangan, Surallah, Tboli ug Banga ang makadawat ug 250 vials sa bakuna matud pa sa pamunuan sa Integrated Provincial Health Office.
Ang maong mga bakuna ang alang sa first dose sa mga nabilin nga medical frontliners (A1), senior citizen (A2), ug persons with co-morbidity (A3).
