South Cotabato–Gikumperma ni Hannah Ebeo, Health Education Promotion Officer 2 Sa South Cotabato Integrated Provincial Health Office nga wala nay nadugang sa ihap sa nagpositibo sa covid-19 sa probinsya.
Tungod niini mihangyo si Ebeo sa katawhan sa South Cotabato nga ipadayon lang ang ilang pagsunod sa tanang protocols nga gipatuman aron nga wala nay magpositibo sa maong balatian.
Samtang gikalipay usab sa Ipho-South Cotabato nga nakarekober na ang patient number 2173 kansa una nang nagpositibo sa covid-19 nga taga lungsod sa Tboli.
Gihingusgan usab ni Hannah Ebeo nga bisan nakarekober na si Patient 2173, magpadayon gihapon nga iyang ipatuman ang sakto nga pag-atiman sa iyang lawas.
Samtang gipasalamatan usab sa IPHO ang maong pasyente gumikan iya gyud gipanalipdan ang iyang pamilya ug ang kumunidad pinaagi sa pagsunod sa tanang regulasyon dihang siya nagpositibo sa coronavirus.
