ILOILO CITY – Ginmando na ni Mayor Jed Patrick Mabilog ang paggamit sang ginbakal nga speed gun sang syudad agud maregulate ang kadasigon sang mga salakyan sa mga dalanon nga may ginapatuman nga speed limit.
Suno kay City Administrator Atty. Hernando Galvez ginmando sang alkalde nga suguran na ini sa paggamit sa una nga adlaw sang Hunyo.
Sa idalum sang speed limit ordinance ukon RO No. 2015-283. gintalana ang speed limit sa tanan nga motor vehicles sa sakop sang syudad sang Iloilo.
Napagkit sa ordinansa nga ang minimum nga kadasigon sang salakyan ara lamang sa 20 kilomters per hour samtang ang maximum ara sa 60 kilometers per hour.
Kalakip sa mga dalan nga may speed limit amo ang gikan sa ginsang-an sang Gen. Luna-Diversion Road-Ungka; Sambag-CPU-Jaro Plaza; Jaro Plaza-Capitol; Capitol-Gen. Luna-Mohon; JM Basa St.-Fort San Pedro; Tanan nga dalan sakop sang City Proper, Circumferential kag Radial Roads nga sakop sang syudad sang Iloilo; kag tanan nga mga dalanon local man ukon national nga sakop sang jurisdiction sang syudad. Ang Transportation Management ang Traffic Regulation Office (TMTRO) ang magapanguna sa implmentasyonn sang ordinansa. Paandam ni Galvez, may confiscation sang lisensya sa mga violators kag indi maghatag sang ila lisensya pwede mapadakop kag ipapreso sa kapulisan.
