Tampakan, South Cotabato – Nasikop sa mga elemento sa Tampakan Municipal Police Station ang spokesperson sa Alliance of Progressive Labor o APL Sentro samtang nagpahigayon og manhunt Charlie operation sa Purok Rizal Barangay Kipalbig, Tampakan, South Cotabato.
Sumala pa ni Police Captain Joseph Villanueva, hepe sa Tampakan Municipal Police Station giila niini ang mga nadakpan nga silang Herbert Demos, 46 anyos, minyo og residente sa Botanic Compound, Barangay City Heights siyudad sa Gensan, spokesperson sa APL Sentro; Marvin Bala, 37 anyos, minyo og residente sa Brgy. Kipalbig, Tampakan, South Cotabato ug Rodolfo Semera, 46, minyo, residente sa Sitio Gala, Brgy. Bololmala, Tupi, South Cotabato.
Dugang ni PCapt. Villanueva, pirmado ni Judge Gerardo Braganza, Presiding Judge sa RTC Branch 43 nga napirmahan niadtong July 6, 2020 sa kasong pagsupak sa Article 353 Revised Penal Code (Libel).
Nasuta gikan kay Villanueva, mismong kanhing sa labor union sa plantasyon sa saging nga Lapanday sa Tampakan na giila niining si Mr. Danny Ang maoy nagpasang-at og kaso batok sa tulo.
Samtang, ang mga nakasuhan matod pa maoy bag-ong lider sa unyon kung asa si Demos maoy Coordinator, elected President si Bala ug Vice President si Semera.
Human nga mapailawom sa pagkustodiya sa presinto sa kapolisan ang tulo ka mga dinakpan, gilayong milatag sa ilang pyansa balor og tig-30 mil pesos matag usa kanila.
Sa karon gawasnon na sa kustodiya sa kapolisan ang tulo ka mga dinakpan.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 91519624_10218707830380153_8088978329673138176_o.jpg]
