Davao City – Giklaro sa Social Security System kun SSS nga aduna gihapoy mahatag nga death claim ug burial o funeral benefit ngadto sa miyembrong namatay na nga walay dependent.
Sa pakighinabi ni RadyoMaN Misel Miral-Galve kang Greta Quayle sa Davao sa tulumanong Serbisyong Straight to the Point, gipasabot niini nga ang burial o funeral benefit mamahimong makuha sa bisan kinsang migasto sa pagpalubong sa namatay nga miyembro ug dili kinahanglan nga pamilya o dependent.
Samtang gitino usab niini nga ang death claim makuha sa og kinsay gideklara sa E1 apan og walay asawa o menor de edad nga mga anak, muadto ang SSS sa og kinsa ang gipangdeklara nga beneficiaries sa E1 ug E4 records nga mao ang designated beneficiaries diin mao kadto ang bayaran sa SSS.
Dugang niya og wala gihapoy designated beneficiaries, adtuon na usab kadtong collateral relatives sa namatay nga SSS member sama sa igsuon, uyuan, iyaan ug mga ig-agaw.
Buot klaruhon sa SSS nga aduna gihapoy mabalik sa SSS member nga mipanaw ug maadto kini ngadto sa mga nasangpit nga makadawat.
RadyoMaN Renz Barbarona
