Anaa pa karon sa period of adjustment ang Social Security System kon SSS Valencia City Branch tungod sa ilang pagbalhin ug buhatan.
Sa interview sa RMN Malaybalay ngadto kang Marilyn Tamayo, ang branch head sa SSS Bukidnon gibutyag niini nga bisan sila mga empleyado nag adjust sa bag-ong nahimutangan nga gikan sa Cap Bldg. karon anaa na sila sa Robinsons Place, siyudad sa Valencia.
Alayon niini gipahibalo ni Tamayo sa mga adunay transaction sa SSS nga mu-abli sila sugod sa alas 10 sa buntag hangtod alas sa 6 sa hapon.
Ang pagdawat sa bayad sa contribution ug loan payments kutob lamang sa alas 5 sa hapon.
Gipasabot niini nga alas 9 sa buntag mag-apod-apod na sila ug mga porma sa ubos nga bahin sa mall apan sa alas 10 sa buntag gayod sila magsugod tungod kay mao usab kini ang mall hours.
Gihangyo usab ni Tamayo ang mga taga-Valencia City nga unta hapon na muadto sa ilang opisina aron mahatagan ug importansiya ang gikan sa lagyo nga lugar.
Sigun niya nga ilang nabantayan nga mingaw na ang ilang buhatan sa hapon.
Nasayran nga muabot sa average nga 1,500 ka tawo ang mo-transact sa sa SSS kada adlaw tungod kay mao ra usab kini ang opisina sa Bukidnon.
Gi-awhag usab niini ang mga miyembro nga mamahaw daan sa dili pa muadto sa ilang buhatan.
