State of Calamity bangud sa COVID-19, extended tubtob September 2021 – PRRD

24

Roxas City, Capiz – Ginpalawig na ni P- Rodrigo Duterte ang State of Calamity sa bilog nga Pilipinas sa tunga sang COVID- 19 pandemic nga naeksperiensyahan sang pungsod.
Base sa Proclamation No. 1021 nga ginpapanaog sang Palasyo, nakasaad nga magadugay ang deklarasyon sa sulod sang isa ka tuig tubtob ika-12 sang Setyembre, 2021, maluwas na lamang kun i-lift okun kakason ini sa mas temprano.
Nakasaad sa proklamasyon nga ginamanduan ang tanan sang government agencies kag local government units (LGUs) sa pungsod nga maghatag sang full assistance kag makigkooperar sa isa kag isa kag i-mobilize ang mga kinahanglanon nga resources para sa nagakadapat kag madasig nga disaster response aid ukon measure para matuldukan ang pamahog sang COVID-19 sa pungsod.
Ginmanduan man ang mga law enforcement agency, sa bulig sang Armed Forces of the Philippines (AFP) nga himuon ang mga necessary measures para mapabilin ang peace and order sa mga apektado nga lugar sang COVID-19.

Facebook Comments