Sto. Niño fiesta: Misa himuon, health protocols striktong ipatuman

37

Davao City – Giklaro ni Davao City Mayor Sara Duterte-Carpio nga mahinayon ang Fiesta sa Sto. Niño karong Biyernes (Enero 15, 2020) partikular na ang ginahimong misa sa Shrine Hills, Matina ning syudad sa Davao sa maong panahon.

Segun sa Alkalde nga misa lamang ug wala nay laing aktibidad ang himuon nunot sa minimum health protocols nga ginapatuman tungod sa Coronavirus Disease 2019 (COVID-19) diin ang Public Safety and Security Command Center (PSSCC) ang nag plastar sa security and safety plan niini.


“Klaro na ‘to nga wala nay laing activities related sa pag-celebrate sa fiesta, except ang pagpahigayon og mga misa. Mao lang na siya ang activity para sa atong celebration sa Fiesta sa Sto. Niño,” pagpaklaro sa Mayor.

Nasayran nga adunay lima (5) ka misa nga himuon sa maong adlaw diin limitado lamang usab sa usa ka gatos ka tao ang gitugotan matag misa aron mapatuman ang social distancing isip usa sa measures batok COVID-19.

RadyoMaN Kirby Manzon

Facebook Comments