Kini ang gibutyag ni PCOL Jun Mark J. Lagare, Police Provincial Office (PPO)-Bukidnon Director, atol sa gipahigayong press conference kagahapon didto sa Provincial Headquarters, Barangay 9, Malaybalay City, Bukidnon.
Sumala niya nga nakagawas ang maong enhinyero nga wala na hinganli, ug taga Cagayan De Oro City adtong Agosto 22, 10 ka adlaw human kini gidagit.
Mukabat sumala pa sa P2,000,000.00 ang ransom money nga gipangayo sa mga suspek ngadto sa pamilya sa biktima apan pinaagi sa settlement nga sa mga Muslim Brothers ug Elders, wala ray nakuha nga bisan-unsang kantidad gikan sa pamilya.
Gilayon dayong nakigkoordinar ang asawa sa biktima sa kapulisan aron nga mahatagan og igong aksyon.
Didto na sa usa ka lugar sa probinsya sa Lanao Del Sur gibuhian ang biktima nga anaa sa maayong kahimtang human ang pila ka adlaw nga pagpailawom niini sa mga suspek nga gikatahong kaila ra sa biktima.
Sa karon, padayon gihapon ang ginahimong monitoring sa mga kapulisan kabahin sa maong insidente samtang nangayo usab og pribasiya ang pamilya sa biktima nga kasamtangang garekober pa sa trauma nga naangkon niini human ang maong pagpangdagit.
