Pagadian City – Kapin usa ka oras nga nakigbugno ang kabomberohan sa syudad sa pagadian human kalit nga midilaab ang kalayo alas 4:15 kagahapon sa hapon dihang dapita sa Purok Talisay B, Brgy. Kawit ning syudad sa Pagadian partikyular sa Kapa Subdivision.
Sa inisyal nga imbestigasyon sa BFP Pagadian milutaw nga ang electrical cable ang sinugdanan sa kalayo dihang kalit kining nabugto gikan sa poste og napunta ngadto sa mga bagang stock sa RTWs’.
Daling nikatay ang kalayo rason nga damyos ang bodega nga maoy gibutangan sa mga RTW’s diin apil nga nasunog ang usa ka Toyota Fortuner nga sakyanan nga gipanagiyahan ni Lanto Macabidar.
Gideklara sa personahe sa BFP nga kontrolado na ang kalayo alas 5:20 na sa hapon hinungdan nnga wala ra kaayo makakatay ang kalayo sa ubang kabalayan.
Gibana-bana nga mobalor sa P900 mil ang kabtangan nga naabo hinoon walay gikatahong samara o namatay sa pag-ulbo sa kalayo.
