Tubtob na lang bwas nga adlaw, Hunyo 13 ang ginahatag sang Commission on Elections ukon Comelec sa mga kandidato nga nagpapili sang barangay kag Sangguniang Kabataan eleksyon sang Mayo 14 daug man ukon pierdi nga magsubmitir sang ila nga Statement of Contribution and Expenditures (SOCE)
May-angot sini, ginaremind ni Atty. Jay Gerada, Election Supervisor sang South Cotabato ang mga kandidato nga magsubmitir na sang SOCE tungod obligado sila nga magsubmitir sini pierdi man ukon daug.
Samtang ang sin-o man ang mapaslawan nga makasubmitir sang ila nga SOCE ang magapangatubang sang reklamo administratibo kag mangin kabangdanan pa sang diskwalipikasyon sa pagkapot sang anuman nga posisyon sa gobyerno tubtob san-o.
Sa SOCE suno kay Atty. Gerada dapat gid nga ideklarar sang mga kandidato ang tanan nga nagasto sini sang eleksyon bisan nga ini pa ang donasyon.
Nahibaluan nga ginapahanugutan lamang ang isa ka kandidato sang P5.00 kada botante sa ila nga barangay.
Base sa kamanduan sang commission bukas ang tanan nila nga talatapan subong nga adlaw Hunyo 12 bisan holiday para magbaton sang isubmitir nga Statement of Contribution and Expenditure (SOCE) sang mga kandidato
