Mambusao, Capiz- Patay ang 44-anyos nga mister matapos nga ini ang ginaalegar nagsuicide sa Sitio Tungatong Brgy. Caidquid, Mambusao.
Ginkilala ang biktima kay Noriel Candelario y Vaay sang nasambitan nga lugar nga nasapwan na gid lamang sang asawa sini nga nagabitay sa steel trusses sang poluy-an sa diin nahigot ang liog gamit ang pisi.
Gintinguhaan pa nga dal-on sa Mambusao District Hospital ang biktima apang ini ang gindeklarar nga dead on arrival sang doktor.
Padayon pa nga ginahibalo sang mga kapulisan ang matuod nga rason sang pagkomiter sini sang suicide.
Mahibaloan nga subong lamang nga semana, tatlo na ka insidente sang paghikog ang nalista sa Capiz.
Una ang isa ka Israeli national nga nasapwan sang iya asawa nga nagabitay sa beam sang ginarentahan nga balay sa Brgy Banica Roxas City. Samtang isa man ka lalaki ang ginapahayag nagsuicide sa Brgy Tinigban sa banwa sang Panit-an.
