Davao City – Karon nga nigimaw na ang virus sa pulitika ug hinay-hinay nang ninggula ang mga bulok sa eleksyon, magbantay kita.
Magbantay ‘ta nga dili kita malansis sa mga nagapanghitabong realignment of political forces and political party reshuffling.
Hinumdomi nga tulo ka mga eleksyon ang nagsingabot: Barangay and SK karong May 14, Midterm elections sa 2019 ug syempre, ang gikahinam-hinaman sa tanan nga 2022 Presidential Election kun kinsa na usab kaha ang mga mapili sa posisyon.
Mas maayong atong pangutan-on kun ang mga partido-pulitikal ba sama sa bag-ong naporma nga ‘Hugpong ng Pagbabago’ naka-angkla ba sa halawom nga doktrina ug nga kini dili ba re-hash lamang sa mga existing political aggrupations.
Mas maayong atong pakisayran kun ang mga political parties nakatampo ba sa hingpit nga kauswagan natong mga pobre ug timawa uyamot sa atong katilingban or dili kaha nahimo lamang kini silang behikulo kun sakyanan alang sa pagpadagan sa intereses sa mga politicians ilabi na kadtong miyembro sa gitawag nga mga political dynasties and political clans.
Atong paningkamotang mamahimong hinlo ang atong piniliay sa nasud pinaagi sa pagpalig-on sa atong mga kahugpungan-pulitikal ug pagseguro nga dili kini masambugan niadtong mga balimbing kun mga political turncoats and electoral butterflies kon dili niadto lamang gayud adunay hinlo nga kasingkasing alang sa pagpangalagad sa katawhan.
RadyoMaN June Duterte
