Samaran ang usa ka sundalo sa 58th Infantry Battalion sa nahitabong engkwentro sa Sitio Pugahan, Barangay Bunal, Salay, Misamis Oriental mga alas 4:45 sa hapon niadtong Martes.
Si Police Lt. Col. Surki Sereñas nga Spokesman sa Camp Alagar, mipa-ila sa samarang sundalo nga si Edgar Da-ao.
Matud ni Sereñas nga gi-imbistigahan sa kapolisan sa Salay ang maong insedente.
Matud ni Army Captain Leoden Bajado nga Civil Military Officer sa 58th IB nga na-encounter sa tropa sa Charlie company sa 58th IB ang dili mominus napulo ka armadong sakop sa gituohang rebeldeng NPA ug nahitabo ang ilang sinukliay sa mga bala sa kapin kon kulang 15 minutos.
Gikumpirmar usab ni Bajado nga samaran ang ilang usa ka sundalo atol sa maong engkwentro.
“Luwas na hino-on ang iyang kahimtang kay daplis man lang ang iyang igo” matud ni Bajado.
Matud ni Bajado nga ang ilang tropa sa Charlie Campany, naglusad sa ilang combat operation sa sitio Pugahan tungod sa reports sa mga civilian nga naay presinsya sa armadong mga tawo nga gitohoang sakop sa mga rebeldeng komunista.
“Nagtagbo ang duha ka grupo ug nahitabo gyud ang meeting engagement” matud ni Bajado.
Gibutyag ni Bajado nga atol sa ilang panag engkwentro mi-atras ang mga rebelde sa lain laing direksyon.
Apan matud ni Bajado nga ilang gitohoan, nga duna usay samaran sa panig sa mga rebelde tungod sa mga lama sa dugo nga ilang nakita sa dapit diin nahitabo ang maong panag-away.
Sa pikas nga bahin.
Gipahayag ni First Lt. Ken Cabbigat nga Civil Military Officer sa 8th Infantry Batallion nga gipatay sa mga suspected NPA rebel ang ilang duha ka asset.
Gi-ila ni Cabbigat ang duha ka mga biktima nga silang Romeo ug Arnold Caday.
Matud ni Cabbigat nga ang duha ka mga biktima dunay pending nga kasong murder ug rape ug gipatay sa mga suspected NPA rebel sa Sitio Alangilan, Barangay Siloo, Malitbog, Bukidnon mga alas 8:30 sa gabie niadtong Martes.
Gipanghimakak ni Cabbigat nga dili asset sa militar ang duha ka igsoong biktima apan pulos asset sa NPA.
