Gisikop sa kapulisan sa Gitagum ang usa ka sundalo human kalit nga gidrayban ang ilang sakyanan nga Mahindra mobile patrol.
Ang suspek mao si Private First Class Keith Jan Aclo Gayda, 28 anyos, ulitawo, taga Barangay One Can-avid, Eastern Samar ug sundalo sa 63rd Infantry Battalion, 8th Infantry Division, Philippine Army nga nakabase sa Marawi City.
Sa gihimong body search kang Gayda niadtong Huwebes sa gabie nakuha gikan kaniya ang duha ka sachet sa gituohang shabu, lima ka bala sa kalibre 45, AFP ID, driver’s license, 1,500 pesos, Philhealth ug Voters ID, ID pictures, resibo, pitaka, sling bag, celfon ug lain-laing dokumento.
Tungod niini, ang maong sundalo mag-atubang sa tulo ka kaso sa pagsupak sa Republic Act 9165 or Comprehensive Dangerous Drugs Act of 2002, Republic Act 6539 or Anti-carnapping Act ug Republic Act 10591 or “Comprehensive Firearms and Ammunition Regulation Act.
PC: PRO 10
