KALIBO, AKLAN — Pagatutokan dugang it Aklan Police Provincial Office ro sunod-sunod nga kaso makaron it shooting incident nga rong mga suspek riding in tandem.
Suno kay PSSUPT. Lope Manlapas, Provincial Director it Aklan nga paga tun-an nanda kung paano madugangan rong mga checkpoints sa kada banwa ag kung paano mapabaskog ro Anti-Criminality Campaign.
Paga tan-awon man nana kon ano pa gid rong kakueangan sa andang parte para nga matapna eagi ro makarondayang sahi it krimen.
Base sa record umpisa nga imaw nagpungko bilang provincial director may una eon ka lima nga kaso it riding in tandem.
Una rong sa Kalibo Public Market, sa Brgy. Bulwang, Numancia, sa Brgy. Odiong, Altavas, Brgy. Aquino, Ibajay, ag ro pinaka ulihi sa Brgy. Camansi Norte, Numancia.
Ginpangayo man ni Manlapas rong kooperasyon it pumueoyo eabi gid ro may paghituon nga eagi nga makipag angot mga police stations.
