Sunog nagsumikad sa exhaust sa pizza establishment

64

Davao City – Gikumpirma sa Bureau of Fire Protection XI nga nagsugod ang kalayo sa usa ka pizza establishment nga nahimutang sa upper ground floor sa Gaisano Mall of Davao Bajada.

Kini matud pa ni BFP XI investigator SFO1 Tereso Oyzon.


“Sa may exhaust nila, sa ducting system nila didto nakita namo nga naay nasunog sa may ceiling,” matud niini.

Gibutyag niini nga dakong tabang usab ang sprinkler sa maong mall hinungdan nga wala na makaulbo pa ang kalayo.

“Wala siguro makaabot singko minutos, nadugay lang mi sa pag-ventilate pag-open sa ceiling,” segun sa fire investigator.

Giimbestigahan sa BFP ang kawsa sa sunog.

“Ang ginatan-aw nato is ang exhaust niya kung maintainado ba, kung na proper ba ang paghinlo,” matud ni Oyzon.

Sa opisyal nga statement sa Management sa maong mall nga walay natalang naangol o casualty subay sa natigayong sunog kagahapong adlawa ug balik na sa normal ang ilahang operasyon.

Pasidaan sa BFP sa tanang mga restaurants aron dili na masubli pa ang susamang fire incident inspeksyunon ug hinluan og tarong ang mga exhaust sa ilahang mga kusina.

RadyoMaN Aimee Guinita

Facebook Comments

From Advertisers