Daywa ka mga motorsiklo nagsunggaban, tatlo rong patay

17

Kalibo, Aklan – Tatlo rong patay matapos nga magsunggaban ro daywa ka mga motorsiklo kaina it aga-aga sa Jaime Cardinal L. Sin Avenue partikular sa prente it Chinese Cemetery, Kalibo, Aklan.
Ro mga biktima nakilaea kanday Mark Joseph Leandres, driver it MIO Motorcycle ag ro anang barckrider nga si Arjay Agoncillo, tanan sa legal nga edad ag residente it Brgy. New Buswang, Kalibo.
Samtang ro andang nakabanggaan nga driver it Motorstar motorcycle hay nakilaea kay Godison Taglay Aguelo sa legal nga edad ag residente it Brgy. Baybay, Tangalan.
Suno kay Police Corporal Paul Christian Alejandro it Kalibo PNP nga rayang Mio Motorcycle hay halin sa Poblacion Kalibo ag magaliko eon kunta pauli sa andang boarding house tag makasunggaban nanda rong Motorstar Motorcycle nga halin sa airport paadto it Poblacion Kalibo (head on collision).
Insigida raya nga gin respondehan it Mdrrmo Kalibo ag Pdrrmo Aklan kung sa siin puro sanda unconscious rason nga gindali dali daea sa hospital pero gindeklara ra sanda nga dead on arrival.
Padayon pa sa makaron rong imbestigasyon it taga traffic section kung Kalibo PNP.
(c) Kalibo Mdrrmo

Facebook Comments