Kalibo, Aklan — Ginabana-bana nga nag abort sa more or less 5 milyon rong danyos nga gin aywan ko nagtuhaw nga sunog kaina it aga-aga sa Mabini St., corner D. Maagma St., Kalibo, Aklan.
Suno kay FSUPT. NAZRUDYN M. CABLAYAN, Provincial Fire Marshall it Aklan nga base sa andang inisyal nga imbestigasyon hay nag umpisa rong sunog sa Felcontech Computer (FC) ag nag eapta sa mga kaiping nga establisyemento.
Umabot hasta sa 3rd alam rong sunog nga nag-umpisa mga pasado alas 4:00 it aga-aga ag ag na fire under control mga alas 5:30 it agahon.
Na control rong kaeayo bangud man sa madasig nga pag responde ko mga taga Bureau of Fire Protection it Kalibo, New Washington, Numancia, Balete, Tangalan, Ibajay ag rong Fire truck it Civil Aviation Authority of the Philippines (CAAP) sa Kaibo International Airport.
Ro nasambit nga building hay ginapanag-iyahan ni Mr. Florencio Garcia.
Sa makaron hay padayon pa rong ginapatigayon nga mapping operation ko mga taga BFP Kalibo ag ro imbestigasyon kung ano gid ro ginhalinan it kaeayo.
Samtang nagpasaeamat man si Mayor William Lachica sa mga taga Bureau of Fire sa madasig nga pag responde sa nasambit nga sunog.
