(c) owner
Makato, Aklan – Nag-abot sa kapin P100, 000 pesos rong dangyos nga gin-aywan it nagtuhaw nga sunog kaina sa Sitio Ilawod, Brgy. Dumga, Makato, Aklan.
Rong tag-ana it nasambit nga baeay hay nakilaea kay Anecita Tumaca, 79-anyos.
Suno kay FO1 Ariel Villareal it BFP Numancia nga naga guwa sa andang imbestigasyon nga kaina mga alas 10:00 ro agahon hay nagtug-on ro biktima ag samtang naka eos-on hay anang gin aywan ag nagpamati imaw it radyo.
Samtang nagapamati imaw it radyo hay nagbaskog rong hangin bangud hayahay rong lugar ag anang gintan-aw ro anang dapog. Nakibot eon lang ro biktima tag makita nga naga daba-daba eon ro anang daeapugan nga himo sa light materials.
Alas 10:53 pa nabaton it BFP Numancia rong fire call ag insigida ginrespondehan apang pag-abot hay uwa naka penetrate rong firetruck ay maisot ro daean, dugang pa hay uwa man maka abot ro limang metro nga hose it fire truck.
Ginpakamayad eon lang it mga taga BFP ag mga pumueoyo nga mag bucket brigade para nga matapna rong kaeayo pero natugbang gid rong baeay nga himo sa mixed concrete ag light materials.
Alas 11:30 eon nagdeklara nga fire out rong BFP. Ultimo nga nahaeowas sa nasambit nga baeay hay ro 27 ka sako it paeay.
Nasayuran nga naga isaeanhon eamang si Nanay Anecita sa anang baeay bangud nga uwa man raya it asawa.
